У начным баі пад Аўдзееўкай баевікі атрымалі 80 «300-х» і 40 «200-х»

24.03.16 13:30 - Украіна

Паводле інфармацыі крыніц групы ІС на акупаваных тэрыторыях, сёння ноччу бальніцы Макееўкі, Данецка і Ясінаватай прынялі больш за сотню баевікоў, якія атрымалі раненні ў баях пад Аўдзееўкай.

«Мінулай ноччу з-пад Аўдзееўкі ў Руднічную бальніцу Макееўкі даставілі 81 параненага баевіка. 17 - вельмі цяжкіх. Двое ўжо памерлі.

Акрамя таго, у Паўночную бальніцу за ноч паступілі больш за 40 трупаў тэрарыстаў. Параненых тэрарыстаў таксама прымалі данецкія бальніцы: чыгуначная і імя Калініна. Параненыя тэрарысты паступілі і ў медустановы Ясінаватай», - паведамляе крыніца ІС.

Каментары