"Захаравец" заўсёды паведамляе старэйшым аб недастойных паводзінах іншых": школьнікі "ДНР" вучаць прысягу

Вучняў Макееўскай агульнаадукацыйнай школы №24, якая размешчана на акупаванай прарасейскімі тэрарыстамі тэрыторыі, прымушаюць вучыць «Клятву Захараўца».

Пра гэта на ўмовах ананімнасці паведамляюць выданню ordilo.net абураныя бацькі школьнікаў. Па словах людзей, адкрыта ўступаць у шэрагі гэтай моладзевай арганізацыі дзяцей не прымушаюць. Аднак бацькам вучняў, якія ня праявяць належнага энтузіязму, дырэктар школы ў прыватным парадку абяцае з'яўленне «цяжкасцяў у навучанні і пагаршэнне паспяховасці».

Паводле фота, прадастаўленага бацькамі школьнікаў, т.зв. «Клятва Захараўца» слова ў слова паўтарае прысягу савецкай піянерыі. Але з істотнымі папраўкамі - напрыклад, «захаравец» заўсёды паведамляе старэйшым аб недастойных паводзінах іншых».

Вывучыць яе прапануюць за перыяд зімовых канікул - да першага «злёту» арганізацыі, які абяцаў наведаць сам лідэр данецкіх тэрарыстаў Захарчанка. Дырэктар школы Алена Шчарбініна ад якіх-небудзь каментароў і ўдакладненняў адмовілася. Зрэшты, людзі скардзяцца: вывучэння гэтай архаічнай дыялектыкі патрабуюць нават ад самых маленькіх школьнікаў.

Нагадаем: некалькімі днямі раней у т.зв. «ДНР» быў створаны моладзевы рух «Захараўцы». Гэтая арганізацыя заклікана аб'яднаць у сабе школьнікаў 10-14 гадоў з мэтай развіцця ў іх патрыятызму і любові да каштоўнасцяў «рускага свету». «Усё лепшае мы будзем браць з мінулага» - так акрэсліў маральныя каштоўнасці руху адзін з ідэолагаў сіл тэрарыстаў Дзяніс Пушилин.