У Разанскай вобласці айчым забіў і спаліў сямігадовую дзяўчынку за кавалак халвы

29.06.15 14:00 - Расея

У Разанскай вобласці будуць судзіць сямейную пару з вёскі Веркі Кадомскага раёна, катаваўшую і забіўшую маленькую дзяўчынку.

Крымінальная справа была ўзбуджаная пасля таго, як органы апекі і паліцыя зацікавіліся адсутнасцю дзяўчынкі 2006 года нараджэння. Адразу пасля таго, як пачалося разбіральніцтва, яе маці і айчым спешна з'ехалі з вёскі. Знайсці і затрымаць іх удалося ў Ленінградскай вобласці, паведамляе Следчы камітэт.

У ходзе расследавання высветлілася, што муж і жонка жылі ў прыватным доме разам з дачкой жанчыны з 2012 года. Дзяўчынку пастаянна білі і звязвалі за тое, што яна без дазволу брала рэчы і ежу.

Увесну 2013 дзіцяці звязалі калготкамі рукі за спіной. Праз нейкі час дзяўчынка прымудрылася адкусіць кавалачак халвы, якая ляжала на стале. Раззлаваны айчым двойчы шпурнуў яе аб сцяну. А калі зразумеў, што забіў пасербку, забраў цела ў суседні закінуты дом і спаліў у печы.

Пасля гэтага муж і жонка працягвалі атрымліваць дапамогу на дзіця. Гэтая акалічнасць дадала да пераліку абвінавачванняў у катаванні малалетняга і асабліва жорсткім забойстве артыкул за махлярства.


Крыніца
: newsru.com

Каментары