У Слоніме арыштавалі маладафронтаўца Змітра Юшкевіча

01.10.15 16:45 - Палітыка

Некалькі гадзін назад у Слоніме міліцыя арыштавала маладафронтаўца Змітра Юшкевіча.

Па словах маці Змітра, якая дарэчы адсутнічала ў гэты час, да іх дома пад’ехаў белы аўтамабіль “Жыгулі”, адкуль выйшлі міліцыянты, якія і забралі юнака.

Па неафіцыйнай інфармацыі, Змітра Юшкевіча арыштавалі на 30 сутак. Арыштаваць Змітра слонімскім міліцыянтам загадалі з Менску. Летась, перад чэмпіянатам свету па хакею, 25 красавіка, такім самым чынам Зміцер Юшкевіч быў арыштаваны ў Слоніме і асуджаны за нішто на 25 сутак.

Па словах сяброў Слонімскага згуртавання дэмакратычных сіл, арышт Змітра Юшкевіча звязаны з прэзідэнцкімі выбарамі і з мітынгам супраць расейскай базы, які запланаваны 4 кастрычніка.


racyja.com

Каментары