У Мікашэвічах будуць судзіць актывіста, які расклейваў улёткі пра палітвязняў 2

27.05.15 18:53 - Палітыка

Мікашэвіцкага актывіста Беларускай сацыял-дэмакратычнай партыі (Грамада) Віталя Каліноўскага будуць судзіць за расклейваньне ўлётак з партрэтамі палітвязняў.

Як паведаміў БелаПАН Каліноўскі, супрацоўнікі міліцыі затрымалі яго ў Мікашэвічах 26 мая каля 15.20 недалёка ад аўтавакзала і даставілі ў гарадзкі аддзел міліцыі. Там ў яго ўзялі тлумачэнні, канфіскавалі шэсць улётак і склалі пратакол па ч. 2 арт. 21.14 КаАП. Прыкладна ў 17.20 Каліноўскага адпусцілі, перадае Беларускі Партызан.

"Я добраахвотна выдаў ўлёткі, якія ў мяне заставалісь. Няхай і супрацоўнікі міліцыі даведаюцца аб палітычных вязняў у нашай краіне, - дапоўніў сацыял-дэмакрат. - Я не хаваў, што расклейваў такія матэрыялы на прыпынках грамадскага транспарту на вуліцы Першамайскай. Гэтую акцыю я прымеркаваў да разгляду 27 мая ў судзе Пружанскага раёна крымінальнай справы гомельскага актывіста Юрыя Рубцова".

Каментары

Ярмоліч 29.05.15 10:08
0
Жыве Беларусь! Свабоду палітвязням!
Віталь 06.06.15 20:22
0
воістіну жыве!