Іх трэба ведаць у твар: жаночы атрад менскага АМАП

У канцы мінулага тыдня падчас брутальнага затрымання Змітра Дашкевіча упершыню сярод затрымліваўшых яго АМАПаўцаў была і жанчына.

Менавіта яна першая падышла да Дзмітрыя са словамі "Добры дзень, міліцыя", пасля чаго на лідэра "Маладога фронту" напалі, скруцілі і груба завалаклі ў машыну без апазнавальных знакаў.

За некалькі дзён да гэтага праект расейскага прапагандыста Дзмітрыя Кісялёва інфармагенцтва "Спадарожнік-Беларусь" падрыхтаваў рэпартаж пра жаночы атрад АМАП, у якім распавядае пра некалькі прадстаўніц гэтага атрада. У рэпартажы паведамляецца, што жаночы атрад у тым ліку працуе сумесна са службай бяспекі Лукашэнкі, выконваючы спецзадання.

Як нам здалося, у затрыманні Зміцера Дашкевіча ўдзельнічала адна з "гераінь" рэпартажу - Святлана Скароженок. Хоць мы можам і памыляцца. Падчас затрымання жанчына была ў капюшоне і зроблены з відэа Дзмітрыя скрыншот размыты, але пэўнае падабенства прыкметна.


У любым выпадку, нават калі гэта не так, жанчын-АМАПавак лепш ведаць у твар. Асабліва з улікам таго, што затрыманнямі апазіцыйных палітыкаў, журналістаў і простых актывістаў улада ў мінулыя выходныя ярка прадэманстравала, што гуляць у дэмакратыю яна больш не мае намеру.


belaruspartisan.org