Работнікам Слонімскага малаказавода выдалі заробак сапсаванай смятанай

10.06.15 17:23 - Эканоміка

Работнікам вытворчага цэха «Слонім», які ўваходзіць у склад ААТ «Шчучынскі масласырзавод», добраахвотна-прымусова ў кошт заробкаў выдалі па дзве ўпакоўкі смятаны.

Па словах работнікаў, нядаўна па нейкай прычыне на завод была вернутая партыя смятаны "Пан Мысліцкі". Пасля гэтага ўсім работнікам у кошт заробку пачалі выдаваць па 24 поліэтыленавых шклянкі гэтай смятаны, і не важна, хочаш ты ці не.

Работнікі малаказавода абураныя тым, што мала таго што ім выдалі смятаны больш чым на сто тысяч рублёў, так яшчэ невядома наколькі бяспечна яе ўжываць у ежу. Бо многія пластыкавыя шкляначкі апынуліся прыпухлымі, і смятана ў іх больш падобная на тварог. І гэта не гледзячы на тое, што тэрмін годнасці смятаны, сканчаецца толькі 21 чэрвеня.



Фота: slonimby.com


Крыніца: slonimby.com

Каментары